To strake sigrar
Marius Ripel Jensen gjekk like godt til topps både laurdag og søndag under stemnet i Sverige.
Artikkelen held fram under annonsen.
Helgas NM-runde i Superbike vart arrangert på Gelleråsen arena i Karlskoga i Sverige. Laurdagens køyring omtaler Marius Ripel Jensen slik på si Facebook-side:
«Vellykka dag. Quala inn til 4 startspor. I racet tok piloten starten, det var tett race mellom dei 4 første, vi klarte å halda leiinga heilt inn til mål. Kjekt å ha heiagjeng frå Kvinnherad på tribunen. Vi er glade og fornøgde med dagen heile gjengen».
Reprise
Søndagen baud på ein reprise. Fjerde startspor i kvalifiseringa vart til leiing undervegs og siger til slutt.
«Var endå tettare race i dag, vart forbikøyrd av Haaland, men klarte å komma forbi igjen og det haldt inn til mål. Stor Takk til Haaland for lån av bremsekalippere, utan dei hadde vi ikkje kunna stilt til start, då mine var litt slakke etter løpet i går», oppsummerte vinnaren, som samstundes takka alle som følgjer med på hans bravadar, og ikkje minst sponsorane som gjer satsinga mogleg.
«For ein dag og for ei helg», slo Marius fast.
Etter desse to sigrane ligg Marius Ripel Jensen no på andreplass i NM i Superbike samanlagt. Neste løp er på Vålerbanen frå 23. til 25. august.
Artikkelen held fram under annonsen.