Trio til topps i Sør Cup
13-årsgutane til Trio krona ei strålande turnering i Kristiansand med å slå Vindbjart Jon 3 frå Vennesla 5-3 i finalen på Sør Arena.
Gutane, som er frå Sunde, Valen, Sandvoll, Utåker og Husnes, har imponert stort frå start til slutt i Sør Cup. Og kunne før tysdagens finale visa til ein svimlande målforskjell på 67-2 etter fem kampar.
Det heile byrja med tre imponerande sigrar mot Vindbjart 2, Klebe og Urædd i gruppespelet, før Djerv 1919 vart banka 15-1 i kvartfinalen og Kopervik 2 12-0 i måndagens semifinale.
Artikkelen held fram under annonsen.
Dagens finale gjekk på sjølvaste Sør Arena, kor Obos-laget Start spelar sine heimekampar.
Etter sigeren venta pokal og medaljeutdeling oppe på tribunen, før sigersgutane tok i mot hyllesta i form av jubel og fotografering ikledd staselege gulldrakter.