Trio vidare til semifinalen – utan å ha spelt

Austevoll har trekt seg frå laurdagens kvartfinale i Obos sin vinterserie, med det vinn Trio kampen 3-0 og er klare for semifinale.

– Det er sjølvsagt dumt at det ikkje blir kamp. Men vi får heimekamp i semifinalen også, seier Trio-trenar Aleksander Ekeland etter at det fredag vart kjent at Austevoll ikkje kom til å stilla lag på Husnes.

Det betyr at Trio skal opp mot Nordhordland i kampen om ein finaleplass. Eit lag dei også skal møta i serien.

– Kampen skal spelast ein gong før 24. mars, men noko eksakt tidspunkt er enno ikkje klart, seier Ekeland.