Fylkestingvalet:
Bjørkly og Kleppe toppar lista til Høgre
Nominasjonsmøtet til Vestland Høgre har valt liste til fylkestingvalet neste haust.
Nominasjonsmøtet gjekk av stabelen på Flesland laurdag. Nominasjonskomiteen la fram ei samrøystes innstilling, og Silja Ekeland Bjørkly vart valt til fylkesordførarkandidat.
– Eg er stolt og takknemleg for at nominasjonsmøtet einstemmig valte meg som fylkesordførarkandidat for ein ny periode. Eg har fått med meg eit fantastisk lag av dyktige, kloke og hardtarbeidande kandidatar frå heile Vestland, og ser verkeleg fram til å ta fatt på arbeidet, seier ho i ei pressemelding.
Annonse
Ho peikar på gode tenester til innbyggjarane, satsing på vidaregåande opplæring, samferdsel og næringsutvikling som sentrale saker for fylket i åra som kjem.
– Vestland har enorme moglegheiter. Vi skal byggja vidare på eit sterkt næringsliv, sikra gode utdanningstilbod og utvikla eit fylke som gir folk moglegheit til å bu, arbeida og skapa verdiar i heile regionen, kommenterer Silja Ekeland Bjørkly.
Lista består av 71 namn. To av dei er frå Kvinnherad; 19. plass Gunn Marit Vestvik Flatland og 66. plass Vegard Bjørnevik.
Topp 10
Annonse
Topp 10 ser slik ut:
1. Silja Ekeland Bjørkly, Bergen
2. Kåre Martin Kleppe, Tysnes
3. Elias Roko Eide, Sunnfjord
4. Silvia Haugland, Øygarden
5. Geir Arve Sandvik, Luster
Annonse
6. Anne Marit Ryen, Bergen
7. Frøya Ahmer Solberg, Alver
8. John Torgeir Torsvik, Masfjorden
9. Arlene Vågene, Kinn
10. Vegard Enerstvedt, Bømlo
