Fugleinfluensa påvist på Vestlandet

Landbrukskontoret i Kvinnherad tar fredag føremiddag til sine sosiale kanalar for å fortelja at dei har fått tilsendt eit brev frå Mattilsynet. Brevet er sendt til alle kommunar i gamle Hordaland for å informera om påvist høgpatogen fugleinfluensa (HPAI) på fleire svanar og andefuglar i Bergen og Øygarden den siste tida. 

Det går fram at Mattilsynet følgjer situasjonen nøye, og dei kjem samstundes med råd: 

Dersom du finn sjuke eller døde fuglar bør du la dei vera i fred. 

Godt smittevern

Dersom du sjølv ønskjer å fjerna døde fuglar er det viktig med god smittebeskyttelse. Bruk alltid eingongshanskar og munnbind, og vask hendene grundig med såpe og vatn etterpå. 

Døde fuglar skal ikkje kastast i restavfallet. Meir info om dette kan du lesa om på Mattilsynet sine sider (ekstern lenke).

Alle som har fjørfe og fuglar i fangenskap må ta utgangspunkt i at ville fuglar kan bringa med seg smitte av fugleinfluensa, og avslutningsvis minner dei om at godt smittevern er viktig.