Full overtenning av bustadhus

Like før 11.30 onsdag rykte politiet ut til ei privat adresse på Sunde etter at det blei meldt om røyk og mogleg brann på staden. 

Ein dryg halvtime seinare melder politiet at det er full overtenning av eit bustadhus, og at det er fare for spreiing av brannen til andre hus.

– Det pågår evakuering av nabohus. Det er ein person som er skadd og som blir ivaretatt av helse, melder operasjonsleiar i Vest politidistrikt, Knut Dahl-Michelsen.

Saka held fram under videoen:

Den skadde personen skal ha fått brannskadar.

Høge smell

Brannvesen er på staden og har starta utvendig sløkking, melder Tore Fanebust i 110-vest. Brannvesen frå Uskedalen og Halsnøy er på veg til steden.

Det brenn også i terrenget rundt bustaden. 

– Det er høyrt nokre smell frå innsida av bustaden som brenn, ukjent kva dette var, mogleg gassbeholdar, opplyser Dahl-Michelsen.

Nedbrent

Klokka 12.49 melder politiet at sløkkinsarbeidet framleis pågår. 

– Det er cirka 10 hus i området som er straumlause som følgje av brannen. Brannen har ikkje spreidd seg til andre hus, men det kan ha oppstått vasskadar på nærliggjande hus som følgje av sløkkingsarbeidet. 

12.52 melder innsatsatsleiar hos brann at dei no har kontroll, og at dei driv med ettersløkking på staden. Huset er nedbrent, står det.

Saka blir oppdatert.