Husnes vassverk har fått svar på dei første vassprøvane etter at det blei gjort E. coli-funn torsdag.

Har fått svar på vassprøvane

Torsdag måtte Kvinnherad kommune senda ut kokevarsel etter funn av E. coli-bakterie ved Husnes Vassverk. 

Gina Eriksen Albrethson gina@grenda.no
Publisert Sist oppdatert

Fredag klokka 11.23 kan Kvinnherad kommune informera i ei melding sendt ut til alle vassabonnentar, at prøvane som blei tatt torsdag no har kome tilbake som reine. 

– Nye prøvar blir tatt i dag som vi vil få svar på i morgon, skriv dei. 

Kokevarselet kan ikkje opphevast før vassverket har fått to reine prøvar, og det tar eitt døgn å analysera prøvane.

Bakteriar 

Torsdag måtte som kjent kommunen senda ut kokevarsel for Husnes, Sunde, Valen og Halsnøy etter funn av bakteriar i vatnet ved vassverket. I alt er det 7.000 personar som er råka.

Einingsleiar Egil Eide fortalde til Grenda at det dreidde seg om E. coli-bakterie, og at det ville ta minimum to dagar før varselet blei oppheva. 

– Vi tok prøvar ute på nett i går, som var heilt fine. Funnet av E. coli er gjort på vassverket, sa han.

Gode råd

I tillegg til drikke, bør du koka vatn som skal nyttast til:

  • All mat som ikkje skal kokast eller varmehandsamast over 100 grader.
  • Utblanding av saft, og andre produkt som vert drukke eller ete.
  • Isbitar.
  • Kaffi. (Kaffitraktar kokar ikkje vatnet)
  • Skylling av frukt, salat og grønsaker som ikkje skal kokast.
  • Tannpuss.
  • Barn bør ikkje leika med vatnet i hagevatnar, eller bada i barnebasseng i periodar med kokevarsel.
nyhende
Powered by Labrador CMS