Foto: Marius Nissestad

Kommunen har innført vatningsforbod

Kvinnherad kommune har frå og med torsdag innført vatningsforbod på Husnes, Sunde, Valen og Halsnøy.

– Grunna langvarig tørke og stort vassforbruk, vert det innført vatningsforbod med slange og spreiar på Valen, Husnes, Sunde og Halsnøy frå og med i dag, torsdag, skriv eining for vatn og avløp i Kvinnherad kommune i ei melding torsdag.

Men plenen din skal ikkje tørka heilt inn på grunn av det. Kommunen opnar nemleg for at ein kan vatna mellom klokka 19 og 21 kvar dag.

– Forbodet gjeld fram til melding om oppheving vert sendt ut, skriv komunen.