Det er denne bilen som er borte. Arne Torget set pris på tips i saka. (Foto: privat)

Kor er poloen til Arne Torget?

Vetlebilen til Arne Torget forsvann frå Slettestølen på Sunde natt til sundag. No nyttar han Facebook for å få tips til kor bilen er. Obs: dette er ikkje ei luke i ein julekalender.

Bilen det gjeld er ein VW Polo, med registreringsnummer ST82172, 2004 modell. Bilen er i følgje Sunnhordland meldt sakna til både politi og forsikringsselskapet.

Torget fortel til Sunnhordland at bilen forsvann då sonen var på besøk hos ein kamerat. Når han skulle køyre heim, var bilen borte. Dei har leita i nærområdet, utan hell.

– Vetlebilen vår er stolen! Er takksam for tips til mobil 47483302, skriv Torget på Facebook.