Løebygg i full fyr:
– Per no er brannen under kontroll
Brannvesen frå Ølve og Kvam har fått kontroll på flammane. Brannsjef Øyvind Ousdal og innsatsleiar Are Blokhus er også på veg til staden.
Eit løebygg står i full fyr på Tveitane på Hatlestrand.
Øyvind Ousedal i Kvinnherad brann og redning fortel til Grenda at det er kontroll på brannen, men at sløkkingsarbeidet framleis pågår.
Meldinga kom inn rundt klokka 18.30 onsdag.
– Det er snakk om ei løe, der det heldigvis ikkje er dyr. Det var sprøsmål om spreiingsfare til bustadhus i starten, og grunna dårleg tilgang til sløkkevatn blei det beslutta å tilkalla bistand, fortel brannsjefen.
Han legg til at det altså ikkje er fare for menneskeliv eller dyreliv.
Rundt klokka 19 fortel Grenda sin utsende at det er om lag seks ulike utrykkningskøyretøy på staden frå brann, helse og politi.
(Saka held fram under bildet)
Nabohjelp
Brannfolk frå Ølve brannstasjon var først på staden, men kollegaar frå Oma brannstasjon i Kvam var snare med å rykka ut.
– Dei kom kjapt til med ein kombibil med 10.000 liter, og i tillegg bad vi om bistand frå Tysnes. Etterkvart blei det vurdert at det ikkje var behov for dei likevel. Per no er brannen under kontroll.
Ousdal og innsatsleiar Are Blokhus er sjølv på staden for å hjelpa til med å leia arbeidet.
– Vi er takksame og heldige for den gode hjelpa frå kommune-naboane våre. Når det skjer noko på nordsida av fjorden er det ikkje alltid like lett, sluttar han.
Sløkkinga vil halda fram utover kvelden, i tillegg blir det rutinemessig vakthald på staden i etterkant for å unngå at brannen blussar opp igjen.
Like over klokka 21 er det meste av synlege flammar vekke.
