Pipebrann på Varaldsøy
Brannmannskapa på Varaldsøy fekk hjelp frå mannskapa i Ølve då det vart meldt om pipebrann på øya.
Klokka 1743 meldte 110 Vest på X (tidlegare Twitter) om pipebrann på Varaldsøy. Om lag ti minutt før hadde Fjord1 meldt om at sambandet innom øya var innstilt inntil vidare, grunna utrykkingskøyretøy skulle til øya.
Mannskap frå brannstasjonen i Ølve var med ferja over til Varaldsøy, men allereie to minutt etter første meldinga rapporterte 110 Vest om kontroll på staden.
Artikkelen held fram under annonsen.
Rute 2 i sambandet Gjermundshamn - Varaldsøy - Årsnes skal vera i normal rute att frå avgang 1825. I motsetnad til fleire av dei føregåande helgane har det ikkje vore rapportert om andre problem med korkje ferjesambandet eller straumen til Varaldsøy denne helga.