Stengte veg mellom Pollane
Fredag klokka 10.30 er vegen opna igjen.
Seint torsdag kveld melde Vegtrafikksentralen at Fylkesveg 49 mellom Nordrepollentunnelen og Austrepollen bru var stengt i begge retningar.
Årsaka var fare for is- og steinsprang.
Fredag morgon var vegen framleis stengt, men etter ei ny vurdering av situasjonen klokka 10.30 kunne vegen igjen opnast.
Kom med åtvaring
Torsdag bad lokalt politi innbyggjarane om å vera ekstra obs når dei ferdast langs vegane i Kvinnherad. Dei hadde fått inn fleire meldingar om store isklumpar i vegbanen.
– Vi har hatt ein lang periode med kulde, og omslaget til mykje regn og mildvêr har gjort at isen smeltar, og store tunge klumpar dett ned i vegbanen. Det skapar farlege situasjonar, uttalte politistasjonssjef Sigurd Børve.
