Varslar nye tiltak neste veke: – Vi må få R-talet ned

Helse- og omsorgsminister Bent Høie (H) fortel til NRK at det vil bli innført nye nasjonale tiltak i løpet av neste veke.

– No har vi eit R-tal på 1,3. Det betyr at smitten aukar veldig raskt. Om det får lov til å halda fram gjennom mars og april, så vil det få dramatiske konsekvensar for mange menneske som vert alvorleg sjuke og må på sjukehus. Helsetenesta vår vil då verta alvorleg overbelasta, seier Høie til NRK.