Høyr podkast med Bjørgulv og Thor Inge

Uskedal musikklag feira 90 år på søndag. Dermed høvde det godt å invitera Bjørgulv Eik og Thor Inge Døssland i studio. Bjørgulv har vore med i musikklaget heile livet, og 93 år gamal er han like aktiv. Thor Inge (72) kunne lenge kalla seg den yngste i korpset, men dei siste par åra har dei greidd å rekruttera fleire ungdomar.

Praten byr på nokre gode historier og litt om jubileumsfeiringa. Gjestene får også høve til å fortelja litt om kvifor dei framleis er med og spelar, og om kva Uskedal musikklag betyr for bygda.

Manglar bilete

Diverre fungerte ikkje alt det tekniske under opptaket, så intervjuet manglar levande film. Slike barnesjukdomar må ein kanskje rekna med for nybyrjarar i podkastbransjen. Men lyden skal vera god. Uansett registrerte vi etter fyrste episode at langt dei fleste valde å lytta til podkasten på Spotify.

Har du enno ikkje høyrt fyrste episode, der Mauricio Weimar og Marte Prestnes Ersland frå ungdomsbasen på Husnes var gjester, tilrår vi å få den med seg.