Besto var best

I runde 5 må vi inn til Åkra for å finna den som gjorde det best i Grendaligaen i Fantasy Premier League. Else Marie Vika, som kallar laget sitt «Team Besto», slo til med heile 78 poeng, noko som er svært imponerande med tanke på at snittet i verda ikkje var høgare enn 42. Ho hadde også god margin til dei næraste utfordrarane i Grendaligaen. Nærast var Øystein Sundal, som hamna seks poeng bak.

Else Marie scora godt med poeng i alle lagdelar, men spesielt forsvarsrekka var skarp. Guéhi, Senesi, Chalobah og Cash sanka til saman 34 poeng. Haaland og Richarlison i angrep var heller ikkje dårlege val.

Utruleg jamt

I samandraget er det utruleg jamt. Arvid Løvfald leiar framleis, men han må no dela fyrsteplassen med Morten Leganger. Begge har 337 poeng. Terje Ask ligg berre eitt poeng bak, og ytterlegare tre deltakarar har meir enn 300. Heile 17 spelarar er innanfor ein avstand på 20 poeng.

Neste runde er spreidd over tre dagar, og startar tidleg laurdag.

Vi gjer elles merksam på at etter runde 5 er Grendaligaen sperra for nye deltakarar, så dei som enno ikkje har meldt seg på, må venta til neste sesong.