I førre møte kom den viktige saka om sal av Kvinnherad breiband opp i Kommunestyret. Komande møte ser tilsynelatande ikkje like spennande ut.

Usedvanleg kort sakliste

Saklista til torsdagens møte i Kommunestyret er uvanleg lite omfattande. Men det blir sikkert mange gode diskusjonar likevel.

Publisert

Møtet startar med ei orientering frå Lars Næs, som er avdelingsleiar for postliste og arkiv. Så kjem ein til saklista, som ser slik ut: 3. kvartalsrapport 2026, Lokal forskrift om grunntilskot til private barnehagar i Kvinnherad, Forskrift om felles skulekrins for Gjetingsdalen og Jondal skule, Ny samarbeidsavtale med Haugesund IUA (handlar om samarbeid kring akutt forureining), og Innføring av ein årleg seniorsamtale for dei tilsette i kommunen som nærmar seg pensjonsalder.

Elles har Per Harald Havnen Löfgren Johansen (Ap) sendt inn ein interpellasjon om differensiert buplikt i Kvinnherad (sjå eiga sak). Også Øyvind Hardeland (Ap) har levert ein interpellasjon. Den handlar om tilbakeføring av vegen mellom Austrepollen og Nordrepollen til dei tidlegare grunneigarane, og at asfalten får liggja.

Bompengar

Til spørsmålsrunden veit vi at Hardeland har meldt inn fleire spørsmål om bompengeprosjekta i Kvinnherad. Spørsmål er det i tillegg kome frå Ove Lemicka (Frp). Han trekkjer fram at Energidepartementet nyleg sendte framlegg til endringar i Energilova og Plan- og bygningslova ut på høyring.

 

Powered by Labrador CMS