Tap for Ane Guro i første OL-kvalifiseringskamp
Ane Guro Tveit Hjortland og makkeren Sunniva Helland-Hansen måtte sjå seg slått av ukrainsk motstand då dei serva i gang Continental Cup i Baden torsdag.
Torsdag gjekk startskotet for Continental Cup i austerriske Baden. Ein cup som også fungerer som første kvalifiseringsturnering til OL i Tokyo for fleire av dei europeiske sandvolleyballspelarane.
Den norske duoen starta godt i den austerriske sanden, og tok første sett mot søstrene Makhno frå Ukraina. Men dei ukrainske jentene slo hardt tilbake og vann dei to neste setta 21-17 og 15-9.
Artikkelen held fram under annonsen.
Med det starta Ane Guro Tveit Hjortland og Sunniva Helland-Hansen med tap i OL-kvalifiseringa.
Dei seks beste laga i dei to gruppene går vidare til morgondagens kvartfinalar. Vidare vert det semifinalar fredag ettermiddag, og plasseringsfinalar laurdag. Sjølve hovudfinalane går av stabelen søndag.