Arrangerer grillfest for ungdommen på 16. mai
Ungdomsbasen og Nattcafeen på Husnes bedehus går også dette året saman og arrangerer grillfest for kommunen sin ungdom kvelden før nasjonaldagen.
«16. mai fyrer Ungdomsbasen og Nattcafeen opp grillen, og inviterer ungdom frå 8. klasse og oppover til ei rusfri samling nede ved Ungdomsbasen sine lokale på Husnes.
Også i år har vi slått oss saman for å laga ein kjekk kveld for ungdom. Det vil bli varierte aktivitetar både ute og inne, og mange flotte premiar. På plakaten står det gratis grillmat, musikk-bingo, DJ Edgar og ei rekke konkurransar. Etter gode opplevingar på Vårspretten i Kvinnherad Arena natt til 1. mai, gler vi oss til nok ein gong å tilbringa ein kveld saman med mange kjekke ungdommar», opplyser Ungdomsbasen og Nattcaféen i ei pressemelding.
Annonse
Arrangørane legg til at det framleis er behov for frivillige denne kvelden, og lurer på om du kan tenkja deg å stilla.
