Derfor er det mykje sirener langs vegane
Fleire har kanskje fått med seg ein del sirener og blålys rundt omkring i kommunen onsdag.
Grenda slår på tråden til politistasjonssjef Sigurd Børve, for å prøva å finna ut kvifor det er reine bytilstandar med ljomande sirener over ein låg sko. Dette på bakgrunn av tips som har kome inn, samt eigne observasjonar.
Børve kan meddela at årsaka til den auka blålys-aktiviteten er at det i desse dagar føregår såkalla resertifisering av utrykningskompetanse, også kalla fornying av blålyslappen.
Det er med andre ord ikkje tale om alvorlege hendingar eller ein plutseleg auke i kriminaliteten i Kvinnherad.
