Kollisjon ved Rosendalstunet – har gjort førarkortbeslag
To varebilar kolliderte ved Rosendalstunet torsdag føremiddag.
Torsdag rundt klokka 11.30 kolliderte to bilar like ved avkøyrsla til Rosendalstunet. Det var éin person i kvar av bilane.
Klokka 11.45 opplyste operasjonsleiar Bjarte Rebnord i Vest politidistrikt at bilane skal ha kollidert og deretter har den eine bilen køyrd inn i murveggen ved gang- og sykkelstien.
Annonse
– Ein person framstår som skadd. Ingen er fastklemt. Bilen står delvis i vegbanen, opplyste politiet.
To brannbilar og legevakt var på staden klokka 11.50, i tillegg til ein del helsepersonell frå Rosendalstunet.
Beslag i førarkort
Like over klokka 12 vart det opplyst at begge personane var sendt til lokalt legesenter for sjekk. Den eine bilen fekk større materielle skadar, den andre bilen var det lite skade på.
Annonse
Vegen var stengt fram til cirka 12.40.
Politiet har oppretta sak etter hendinga og tatt beslag i førarkortet til den eine involverte bilføraren.
