Skipar til Rosa sløyfe-løp på Hatlestrand
Også på Hatlestrand vert det arrangert Rosa sløyfe-løp komande laurdag.
Arrangørar er IL Strand-Ulv, Hatlestrand Bygdelag og Hatlestrand og Ølve turlag. Frammøte er ved Hatlestrand skule, og så går deltakarane gjennom Hatlestrandsløypo frå Hatlestrand barnehage til Kuneset ved gapahuken og tilbake til skulen.
«Dei minste barna treng berre å gå til Velteplassen, der vi også har ein gapahuk, og tilbake til skulen. Gå, løp, spring, jogg, ja kva du vil - og som passar for deg og eller din familie», heiter det på Facebook.
Annonse
Etter løpet blir det sal av litt Rosa sløyfe-produkt, samt kake og kaffi. Alle inntekter frå dagen vert sendt vidare til Kreftforeningen.
«Velkommen alle saman, store som små», står det.
Som tidlegare omtalt har Brystkreftforeningen stand på Varehuset Rosendal fredag, medan det vert Rosa sløyfe-løp på Husnes stadion laurdag.
