Stor gjevarglede til Ukraina
Det er snart klart for ny sending av naudhjelp til Ukraina. Komande laurdag er mottaket i Uskedalen open for siste gong i år.
«I april månad sende vi ein full semitrailer frå Kvinnherad til Ukraina. Lageret i Uskedalen var tomt. Når du no ser på biletet her, så viser det at lageret er tilnærma fullt, på nytt. Dette er ganske spesielt. Takk til alle som ringer, kjem med sekker og esker, så utruleg kjekt og oppmuntrande. Laurdag 24. oktober kjem THK-traileren tilbake og hentar alt vi har samla. Då vert lasset sendt direkte til Korosten Ukraina, etter omlasting ved grensa mellom Polen og Ukraina. Fyrstkomande laurdag vert lageret i Uskedalen ope i to timar, dette vert siste gong dette året», opplyser THK-stiftelsen.
