Stordugnad i Åkra
– Takk for innsatsen alle!
Laurdag var 27 personar med på stordugnad på Åkra oppvekstsenter og områda rundt. Det vart luka, planta, rydda og fiksa i bed. Ballplassen vart slådda og rakt, og er nesten god som ny. Benker vart fiksa, gjerde skrapt før maling og anna førefallande snikkararbeid vart utført.
Inne i skulen forsvann eldre lærebøker og anna utstyr som det ikkje blir bruk for meir. Tidlegare har ei gruppe også teke storvask på kjøkenet.
Artikkelen held fram under annonsen.
Midt i økta spanderte Åkra bygdalag grillmat! Det var kjekt å samlast, prata litt og gjera noko saman. No er det 17.mai neste.
Takk for innsatsen alle!
Beste helsing Bjørn Rune