Venstre-lista med éin kvinnhering klar
Vestland Venstre arrangerte nominasjonsmøte på søndag. Då vart lista til fylkestingvalet neste haust spikra.
Møtet valde Åsta Årøen til fylkesordførarkandidat, med Jacob Nødseth på 2. plass og ungdomskandidat Thea Moen Flølo på 3. plass.
«Lista i sin heilskap kombinerer erfarne politikarar som allereie er tydelege røyster i fylkespolitikken, og nye namn som kjem inn med engasjement og friske perspektiv. Saman utgjer kandidatane eit lag som vil gjera Vestland til ein endå betre stad å bu og arbeida», står det i ei pressemelding. .
Annonse
Studerer teologi
Åsta Årøen kjem frå Nordfjord, bur i Bergen og er i dag gruppeleiar for Venstre i fylkestinget. Ho er utdanna jurist og har ein mastergrad i verdibasert leiing, i tillegg til nordisk mellomfag. Ho er også halvvegs på teologistudiet ved VID, som ho studerer no.
«Årøen er klar for å halda fram arbeidet for eit grønare Vestland, betre utdanning og eit levande fylke. Ho brenn for fridom for den enkelte og ansvar for kvarandre», heiter det.
– Venstre skal vera ei tydeleg stemme for ungdom og utdanning, kultur -profesjonell og amatør, og at vi skal ta vare på naturen, men også bidra til grøn næringsutvikling. Samferdselspolitikken er dessutan viktig for folk og næring, seier Årøen.
Annonse
Lista inneheld éin person frå Kvinnherad. Det er Synnøve Handeland frå Valen på 51. plass.
Topp 10
Topp 10 ser slik ut:
1. Åsta Årøen, Bergen
2. Jacob Nødseth, Kinn
3. Thea Moen Flølo, Bergen
Annonse
4. Bram Timmermans, Bjørnafjorden
5. Helle Thomassen, Sunnfjord
6. Guro S. Fresvik, Ullensvang
7. Geir Angeltveit, Stord
8. Eskil Smelvær, Kinn
9. Merethe R. Hopland, Askøy
Annonse
10. Øyvind Vik, Bergen
