Ber om nytt krafttak for Ukraina: – Står i ein skjebnetime
I vekene framover vert det ny innsamling til støtte for dei krigsråka i Ukraina.
«Vinteren står for døra, den vert nok den mest krevjande for Ukraina. Heldigvis er det mange som hjelper. Det trengst. Det er vel ikkje for mykje sagt at Ukraina og Europa no står i ein skjebnetime med uante konsekvensar», skriv Tormod Myklebust, som er den lokale kontaktpersonen for THK-stiftelsen.
Han legg til at det på lageret i Uskedalen allereie er samla inn ein heil del. Men no spør stiftinga om fleire vil vera med. Privatpersonar, lag, organisasjonar og bedrifter. Innsamlinga vil føregå ut september, før alt vert sendt til Ukraina.
Annonse
«Det er krevjande å skriva dette når vi veit kor mykje kvinnheringane har bidrege med i mange, mange år. Takk for bidrag», helsar Tormod Myklebust.
