Glatte vegar over heile kommunen:
– Gjer så godt dei kan
Kommunen melder om glatte vegar og eit pågåande arbeid for å nå over alt.
På sosiale medium skriv Kvinnherad kommune at det er glatt overalt i kommunen fredag føremiddag.
– Entreprenørane er ute og gjer så godt dei kan, men dei når neppe over alle vegar og fortau i løpet av føremiddagen, skriv dei.
Annonse
Vidare ber kommunen innbyggjarane om å trø til.
– Det står strøkassar tilgjengeleg, og det er berre å forsyna seg med sand for å strø, vert det oppmoda.
Prioritert først
Kvinnherad kommune skriv også at det er mange som tar kontakt med spørsmål og førespurnadar over manglande vintervedlikehald. På nettsida til kommunen kan ein finna reglane som det blir arbeidd etter.
Annonse
Der står det mellom anna at oppstart av brøyting skjer ved fem centimeter våt snø og åtte centimeter tørr snø. Brøytinga blir utført mellom klokka 05 og klokka 23.
«Vegane skal vere ferdig brøyta til klokka 07. Dette kan tidvis vera vanskeleg grunna store snøfall over tid eller ved sterk vind i tillegg til snøfall.» står det.
Sjukeheimar, skular, parkeringsplassar og offentlege tilstøytande vegareal blir prioritert først. Deretter kjem vegar, og då dei mest trafikkerte vegane først.
