Malin Opedal (t.v.) tippa rett antal bitar med snop og sikra seg nok laurdagssnop denne helga. Så får ein håpe ho kunne dele litt med dei to venninnene ho hadde med seg då premien vart henta.

Godt besøkt 75-åring

Mange tok turen innom Grenda sin stand på Husnes storsenter for å få kake og moglegheit for å vinne eit gåvekort. Men mest populært var kanskje moglegheita for å vinne seg ei heil krukke full av laurdagssnop.

Thomas Ørbeck thomas@grenda.no
Publisert Sist oppdatert

Grenda fylte 75 år den 13. september. Det vart feira med stand i Rosendal fredag og på Husnes laurdag.

Margit Omvik (t.v.) sytte for kake til dei besøkande. Thea Vaage freister tippe vekta på gåva. Ho nytte sonen Dagfinn som referanse for vekta.

Ei av dei som besøkte standen på Husnes og deltok i tevlinga om å vinne ei krukke full av snop, var Malin Opedal. Ho tippa 165 bitar, medan fasit synte 164 bitar.

Det var ein noko skeptisk vinnar som vart kontakta av Grenda seinare på dagen, men all skepsis vart lagt til side då det var klart at ho hadde vunne 164 bitar med laurdagssnop.

Stort spenn

I tevlinga der ein skulle tippe vekta på eska som Grenda hadde med seg, var det eit stort spenn. Her vart det tippa alt frå 3,5 til 25 kilo. Fleire nytta vekta av mjølpakkar som referanse for å kome fram til rett svar.

Men her var det Liv A. Myhre som kom så nære som ein kan kome. Ho hadde tippa 7,45 kilo, medan fasitsvaret var 7,435 kilo. For dette vart ho belønna med eit gåvekort på Husnes storsenter pålydande 1500 kroner.

Mange tok turen innom Grenda sin stand i samband med feiringa av 75-årsjubileet.

Grenda gratulerer båe vinnarane.

Med åra kan det fort gå i surr med både tal og alder. Men ti år frå eller til betyr vel ikkje så mykje. Og for dei som var uroa for at kaka hadde lege sidan 65-årsjubileet; kaka var fersk.
Dagleg leiar Jarle Håvik og journalist Thomas Ørbeck held stand på Husnes storsenter.
nyhende
Powered by Labrador CMS