No kan du røysta på din favoritt

Hatlestrendingen fekk sitt verkeleg store gjennombrot i vinter. Fyrst greidde ho å kvalifisera seg til verdscupen, og så gjorde ho det så godt der at ho vart teken ut til verdsmeisterskapen i Sveits. Der slo Ragnhild like godt til med to sølvmedaljar; på mix-stafetten saman med sjølvaste Johannes Thingnes Bø og på stafetten for Norge. 

Handballspelaren frå Husnes har allereie hatt ein lang og hendingsrik karriere. Men det siste året har likevel overgått det meste. Fyrste gjorde Tina reint bord og vann trippelen saman med Storhamar, og i sommar meldte ho overgang til det danske topplaget Odense. For Odense har ho starta med å hamna på rundens lag i Champions League.

Det kan verka som at Kjersti Hjelmeland frå Omvikdalen har ei klokke som viser meir enn 24 timar. Ho er i alle fall engasjert i mykje, og har i 2025 mellom anna arrangert open gard og stilt med hest på cowboyfestane til «Med hjarte for alle i Kvinnherad». I sommar rykte ho opp frå vervet som nestleiar i Vestland bondelag til styret i Norges bondelag.

Karen frå Varaldsøy er sprekare enn dei fleste. I 2025 har han sprunge på Den kinesiske mur, teke pallplass i eit terrengløp i Spania, vunne NM-gull i skogsløp og ikkje minst gått til topps i NM i fjellmaraton. Etter 70 kilometer knallhardt løp i fjellheimen i Trøndelag, vart han også teken ut til det norske VM-laget.

Duoen Astri Skaaluren Måkestad og Bente Haugen har gitt kreftomsorg eit ansikt. Dei har skipa til fleire arrangement om temaet, er sertifiserte likepersonar og står bak Rosa sløyfe-marsjen i Rosendal. Dei er også ansvarlege for Gurine-basaren. Bente er dessutan engasjert i Rosendal helselag, som i desse dagar jobbar for å bevara fylket sin tannklinikk i bygda.

Dei har ikkje eksistert så veldig lenge, men du verda kva dei har rukke på kort tid. Uskedal historielag har allereie lansert tre bøker i serien «Den nære fortida», og nyleg gav dei ut boka om utvandringa frå Uskedalen. I år har laget både arrangert bokkveldar og stort utvandrarseminar, i tillegg til å registrera både skriftleg arkivmateriale og gamle fotografi.

Det spørst om ikkje 2025 overgår det meste for Øystein Skaala. Steinparken i Rosendal utviklar seg stadig, og tilbyr no alt frå kulturarrangement og føredrag til familiedagar. Øystein har òg vore sentral i arbeidet med å bringa Lul Krag fram i lyset igjen. Han har i år blitt tildelt Kongens fortenestemedalje og Kvinnherad kommune sin kulturpris.

Ho er leiar for både Seimsfoss grendalag og Kvinnherad skyttarlag, og syslar med alt frå 17. maifeiring og jonsok til familiedagar ved Kvedno. Men ikkje minst bidreg ho til at rundt 50-60 personar kjem seg på styrketrening to gonger i veka. «Dette gjer ho utan betaling på dugnad for fellesskapet. I tillegg lagar ho til Ungdomsklubb i Grendahuset éin gong i månaden», står det i eine forslaget om å nominera ho.

Fotballtrenaren frå Husnes opplever stor suksess i sin fyrste sesong som hovudtrenar i Obos-ligaen. Han har ført Egersund IK inn i kvalifiseringa om opprykk til eliteserien, og nyleg slo dei Lyn 3-2 i cupen. Endre Eide er dessutan blitt kåra til månadens trenar i Obos-ligaen to gonger i år, seinast i oktober etter fire strake sigrar og 11-0 i målskilnad.

Ho har opna garden sin for store og små, både ved å arrangera open dag og ved å bli ein Inn på tunet-gard. Gjennom prosjektet har ho bidrege til at folk med ulike utfordringar mellom anna har fått lov til å kjenna på meistring, fått auka sjølvkjensle samt fått ei tilhøyrsle. Ho er også leiar av Søre Kvinnherad Skogeigarlag, og har organisert treplanting som ei alternativ dugnadsform for ei rekke lag.