Klart for ny sesong av Grendaligaen
Plutseleg er det meste av sommaren forbi. Fordelen med det er at Premier League sparkar i gang igjen, det same gjer Grendaligaen.
Fredag kveld møtest tittelforsvarar Arsenal eit nyopprykka Coventry til den fyrste kampen i Premier League sesongen 2026/27.Det betyr samstundes oppstart av den åttande sesongen med Grendaligaen i Premier League Fantasy. Håkon Haga vann den fyrste sesongen i 2019/20, sidan har også Øyvind Bjørnevik x 2, Even Hansen Skåla, Bernt Bjørnsvik, Håvard Sætrevik og Erik Voster Solberg sikra seg tittelen.
Årets sesong ser ut til å bli spennande, og spørsmåla er mange: Klarar Arsenal å gjenta suksessen (svaret er ja)? Kor gode blir Manchester City utan Guardiola og Rodri? Vil Manchester United fortsetja framgangen under Carrick? Kva med Tottenham under De Zerbi? Er det kanskje dags for Chelsea med ny manager og fleire storkjøp? Og ikkje minst, finn Liverpool tilbake til godtaktene frå Klopp-æraen?
Annonse
Nedrykk
Kanskje er det lettare å spå kva lag som vil gjera det dårleg. Mange fryktar at dei tre nyopprykka – Coventry, Ipswich og Hull - må ta heisen ned igjen. Men det finst dei som gir både Coventry og Ipswich moglegheiter til å overleva. Kanskje vil to lag som har mista sentrale spelarar – Newcastle og Crystal Palace – rota seg ned mot botn?
Alle kan vera med
Alle som vil kan vera med i Grendaligaen. Tidlegare deltakarar blir automatisk med straks dei opprettar lag, medan nye kan melda seg inn med koden sfp6px.
Annonse
Grenda vil følgja ligaen runde for runde, med tabellar over dei beste i kvar runde, dei beste kvar månad og dei beste samanlagt.
Lukke til!
