Møkasilo har kollapsa – rår frå bading og fiske i Uskedalselva
Ein møkasilo øvst i Uskedalen kar kollapsa, og om lag 100 kubikkmeter møk har rent ut i elva, opplyser Kvinnherad kommune på sine heimesider.
– Av helsemessige grunnar bør ein ikkje bada korkje i elva eller i sjøen i Uskedalen inntil vidare, og ein bør ikkje fiska i elva heller, opplyser kommuneoverlege Glenn A. Opland i samband med silokollapsen.
Annonse
Kvinnherad kommune er på veg til Uskedalen for å ta vassprøvar og for å gjera undersøkingar, og politiet er på veg til staden.
– Me kjem med meir informasjon når me veit meir, seier Opland, som vart varsla om møkasilokollapsen av politiet.
Saka blir oppdatert
