Auka tilskotet til Utdanningsmessa på Stord

Stord Rotary klubb skipar til utdanningsmesse på Stord kvart år. Neste utgåve er 27. og 28. januar. Målgruppa er elevar på 9. og 10. trinn frå kommunane Austevoll, Fitjar, Bømlo, Tysnes, Stord, Kvinnherad, Sveio og Etne. I tillegg er elevar ved dei vidaregåande skulane i Sunnhordland og deltakarar ved vaksenopplæringssentra inviterte.

Kommunedirektøren innstilte tradisjonen tru på å løyva 1 krone per innbyggjar, dermed totalt 13.242 kroner utifrå folketalet 30. juni i år. Men varaordførar Thea Vaage hadde notert seg at folketalet hadde auke til 13.278 etter tredje kvartal, og ville justera løyvinga tilsvarande.

– Det er så kjekt at vi blir fleire innbyggjarar i Kvinnherad, sa ho, og fekk full tilslutnad til forslaget.